أهم المواقع لكل من يريد الاستفاده وتنظيم الوقت

البوست ده تقدروا تعتبروه "جامع الحلول للشخص الكسول"

لو أنت شخص مصري كسول بتستعمل الأنترنت بطريقة عادية.. فالمواقع دي مهمة ليك جداً عشان تستفيد بالوقت أو تتسلى بحاجة مختلفة.. ووهنحافظ على كسلنا متقلقش :D

1. Fiverr.com
الموقع ده موقع فريلانسر.. من أشهر مواقع الفري لانسر في العالم دلوقتي واللي بستخدمه من سنين لحد دلوقتي. ببساطة بتدخل تقول بتعرف تعمل ايه وتعرض خدماتك والناس بتتواصل معاك.. والموضوع كله بالدولار.

2. stalkscan.com
لو أنت بتكراش على حد ومكسل.. الموقع ده بيجيبلك كل البيانات المُتاحة للشخص ده على الفيس :D

3. dictation.io
الموقع ده بتتكلم (بالأنجلش) وبيكتب اللي بتقوله.. الموضوع ده حلو للناس اللي عايزة تطور من مستوى التحدث وللممارسة وتعرف ايه بتقوله صح وايه بتقوله غلط.
ده غير الناس اللي الأنجلش بتاعها حلو وبتكسل تكتب :D

4. eggtimer.com
لو أنت من الناس اللي مبتحسش بالوقت.. فالموقع ده بتعمل تايمر لأي مهمة عايز تعملها، وهو بينبهك لما تخلص.
مفيد جداً للناس اللي بتحب التحدي.. والناس اللي مبتعرفش تقوم من على الكمبيوتر وهي قاعدة على الفيس مثلاً :D

5. bookjuices.com
لو محتاج أي كتاب أو رواية PDF.. لو ملقتوش على الموقع ده مش هتلاقيه في حتة تاني.

6. similarsites.com
شوفت موقع عجبك.. ممكن تدخل اللينك بتاعه في الموقع ده وهيطلعلك كل المواقع اللي شبه الموقع اللي عجبك.

7. Lovelycharts.com
الموقع ده لأخواتنا الطلبة لو كسلانين يرسموا أي رسم بياني أو إحصائي ومكسلين.. أسهل كتير من الميكروسوفت ورد.

8. khanacademy.org
أكاديمية خان من أشهر مواقع الكورسات اللي بتوفر عدد كبير فري.. ممكن تشوفها لو مش كسول أوي :D

9. thenicestplaceontheinter.net
الموقع ده للناس المكتئبة وكسلانة تخرج.. هنا ناس مستعدة تبعتلك رسايل إيجابية ويحضنوك وكدة.. وكمان في موقع rainy بيشغلك صوت موسيقى مطر تهديك

10. futureme.org
الموقع ده بيخليك تبعت لنفسك رسالة بعد سنة أو 10 سنين.. تشوف اتغير فيك ايه، وفشلت لايه ووصلت لايه وحققت ايه من أحلامك

***********************

***********************