الكاتب
بالنسبة لامتحان أولى ثانوي
دي طريقة فتح الامتحان لغاية ما توصل للأسئلة و تسلمها إن شاء الله
1. هتفتح منصة الامتحان
هتظهر الصفحة اللي في الصورة 1
تكتب اسم المستخدم اللي هو الكود بتاعك
كلمة السر اللي تدخلوا بيها هي اللي الوزارة بعتتها على ا ال Outlook أو اللي هتجيبوها من موقع الاستمارةبعدين نضغط تسجيل الدخول
2. هتظهر الصفحة اللي في الصورة 2
هنا عاوز كود الجلسة اللي هو كود الامتحان
نشوف هتمتحن أحياء يبقا اكتب الكود بتاعها و هكذا نكتب الكود و نضغط خضع
3. هتظهر الصفحة اللي في الصورة 3
نضغط بداية
4. هتظهر صورة شبه 4
ده الامتحان تدعكوا بقا و ربنا يوفقكم 
5. على اليسار دي أدوات مهم منها العلم لو سؤال وقف قدامك و انت خايف تضيع وقت تضغط عليه و تنقل على اللي بعده لما توصل لآخر سؤال هتظهر لك كلمة مراجعة بدل التالي تضغط عليها الأسئلة اللي علمت عليها هتظهر لك تخلصها و تضغط مراجعة تاني و بعدين إنهاء و بعدين نعم
و كدة تم تسليم الامتحان
لو لسة مانزلش أو لسة ماوصلتكش الرسالة هتفتح موقع الاستمارة
moe-register.emis.gov.eg
و تسجل الدخول عادي
هتلاقي في مستطيل لبني كدة الحصول على أكواد الاختبارات تضغط عليها
هيديك اسم المستخدم و كلمة السر اللي تدخل بيها و أكواد الامتحانات
لتلافي الخروج من الامتحان بسبب تحديث الصفحة عن طريق الخطأنفتح Chrome
في شريط العنوان نكتب chrome://flags
جمب كلمة Reset all to default شريط بحث نكتب فيه كلمة pull
هتظهر نتيجة بحث مكتوب فيها
The pull-to-refresh effect
و جمبها Enabled
نضغط عليها و نختار Disabled
و نضغط على RELAUNCH NOW
لجعل الشاشة لا تطفئنفتح الضبط Settings
نختار الشاشة Dispaly
نختار زمن توقف الشاشة Screen timeout
و نختار 30 دقيقة
بالتوفيق والنجاح لجميع أبنائنا الطلاب والطالبات
***********************
***********************
