أهم المواقع لكل من يريد الاستفاده وتنظيم الوقت

البوست ده تقدروا تعتبروه "جامع الحلول للشخص الكسول"

لو أنت شخص مصري كسول بتستعمل الأنترنت بطريقة عادية.. فالمواقع دي مهمة ليك جداً عشان تستفيد بالوقت أو تتسلى بحاجة مختلفة.. ووهنحافظ على كسلنا متقلقش :D

1. فريلانسر

الموقع ده موقع فريلانسر.. من أشهر مواقع الفري لانسر في العالم دلوقتي واللي بستخدمه من سنين لحد دلوقتي. ببساطة بتدخل تقول بتعرف تعمل ايه وتعرض خدماتك والناس بتتواصل معاك.. والموضوع كله بالدولار.

2. كراش

لو أنت بتكراش على حد ومكسل.. الموقع ده بيجيبلك كل البيانات المُتاحة للشخص ده على الفيس :D

3. English

الموقع ده بتتكلم (بالأنجلش) وبيكتب اللي بتقوله.. الموضوع ده حلو للناس اللي عايزة تطور من مستوى التحدث وللممارسة وتعرف ايه بتقوله صح وايه بتقوله غلط.
ده غير الناس اللي الأنجلش بتاعها حلو وبتكسل تكتب :D

4. Timer

لو أنت من الناس اللي مبتحسش بالوقت.. فالموقع ده بتعمل تايمر لأي مهمة عايز تعملها، وهو بينبهك لما تخلص.
مفيد جداً للناس اللي بتحب التحدي.. والناس اللي مبتعرفش تقوم من على الكمبيوتر وهي قاعدة على الفيس مثلاً :D

5. كتب وروايات PDF

لو محتاج أي كتاب أو رواية PDF.. لو ملقتوش على الموقع ده مش هتلاقيه في حتة تاني.

6. مواقع شبيهه

شوفت موقع عجبك.. ممكن تدخل اللينك بتاعه في الموقع ده وهيطلعلك كل المواقع اللي شبه الموقع اللي عجبك.

7. رسم بياني وإحصائي

الموقع ده لأخواتنا الطلبة لو كسلانين يرسموا أي رسم بياني أو إحصائي ومكسلين.. أسهل كتير من الميكروسوفت ورد.

8. khanacademy.org

أكاديمية خان من أشهر مواقع الكورسات اللي بتوفر عدد كبير فري.. ممكن تشوفها لو مش كسول أوي :D

9. رسائل إيجابية

الموقع ده للناس المكتئبة وكسلانة تخرج.. هنا ناس مستعدة تبعتلك رسايل إيجابية ويحضنوك وكدة.. وكمان في موقع rainy بيشغلك صوت موسيقى مطر تهديك

10. هل حققت أحلامك أم لا

الموقع ده بيخليك تبعت لنفسك رسالة بعد سنة أو 10 سنين.. تشوف اتغير فيك ايه، وفشلت لايه ووصلت لايه وحققت ايه من أحلامك

***********************

***********************