مستويات الطاقة الإلكترونيات K L M N

مستويات الطاقة

عمرك فكرت قبل كده ليه سموا مستويات الطاقة بتاعة الإلكترونات ب K L M N   مش المفروض كانت تتسمى حسب الأبجدية A B C D ليه يا ترى سميت كده ومتسمتش تبع التفكير البديهي  ؟

 سبب التسمية إن كان في عالم إسمه Charles G. Barkla ده كان spectroscopist في أوائل القرن العشرين وكانوا لسه مكتشفين الإكس راي كانوا منبهرين عشان لما إلكترونات عالية الطاقة زي الموجودة في Thomson's cathode ray tube بتصطدم بمعدن، المعدن بيبعث إكس راي وكان دي بداية تصوير الإكس راي، المهم اكتشف إنه بعد مبتصطدم الإلكترونات عالية الطاقة إلكترون بمعدن من عينة ما المادة بتتأين بطريقة مش عادية لاحظ طاقة عالية من الإكس راي طلعت بسبب إلكترون من القريبين من النواة inner shell electron بيثار وبعد لما بيرجع بيطلع نوعين من الإكس راي واحد طاقته عالية قدرته على الإختراق شريحة من معدن بسمك معين عالية وسماه A، وواحد قدرته على إختراق شريحة معدنية أقل ومقدرش يعدي وسماه B.

خاف بقى ليكون في مواد تطلع إكس راي قدرته على الإختراق أكبر فمفيش مكان قبل A أو يكون قدرته على الإختراق تكون أقل من B، فقرر يسميهم بداية من K مسك الحروف من النصف يعني عشان في حالة إن في أقل أو أكثر، لكن في الحقيقة ولحد دلوقتي مفيش إكس راي قدرته على الإختراق أكبر من A أو k، وبعد كده كمل الناس على شغله وعرفنا إن الإكس راي A أو K ده البيطلع من إثارة ورجوع إلكترون من مستوى الطاقة الأول n=1 و L مستوى الطاقة الثاني n=2، طيب سؤال ممكن تتسأله أنهو إشعاع إكس راي الأقوى K radiation or L radiation، بما أن L مستوى الطاقة الثاني بيكون طاقته أعلى من الأول فلما بيخرج إلكترون منه بيكون طاقته أقل لأنه مش ممسوك بقوة من النواة زي الإلكترون الموجود في المستوى الأول، فبالتالي بيكون قدرته على الإختراق أقل فبالتالي L radiation أضعف من K radiation

#كيميائي😃✨⏫⬆

***********************

***********************