الدرس الاول من دروس جافا للمبدئين

الدرس الاول من دروس جافا للمبدئين
 ان شاء الله هنتعرف على
جمل الطباعة فى لغة الجافا print output

لو عاوز اطبع نص (رسالة) او طباعة قيمة مخزنة فى متغير اوطباعة  ارقام او طباعة  تعبيرات حسابية expressions
كل دا يمكن طباعتة وعرضة للمستخدم فى شكل رسالة .

السؤال : عاوزين نعرف الاوامر الا ممكن استخدمها فى الطباعة ؟
ببساطة جافا موفرة العديد من الاوامر لكن اشهرها هما
System.out.print(    );
System.out.println(   );
الاول نتكلم على الاشياء المشتركة بينهم وبعدين هنوضح الفرق
اول شي مشترك انة بداخل الاقواس يتم كتابة اى نص او رقم او عملية حسابية وخلافة
و يتم كتابة النصوص بين " "
double code
مثال :
System.out.print("Hello World");
يتم طباعة
Hello World
طب بالنسبة للارقام او العمليات الحسابية
تكتب بدون double code
بس فى ملحوظة صغيرة لو استخدمت double code مع العمليات الحسابية  تعامل كانها نص اى تعرض بشكلها المكتوب به دون تنفيذ العملية الحسابية .
مثال :
System.out.print(2*4);
يتم طباعة                    8
System.out.print("2*4");
يتم طباعة.                 4*2
واوجة الشبة الثانى هو ان الجملة تنتهى ;
 Semicolon .
اما الاحتلاف بينهم
هو ان print تطبع والمؤشر يقف فى نفس السطر الذى تم الطباعة فية .ولو فى امر طباعة اخر يطبعة فى نفس السطر .
اما println تطبع وبعدها ينزل سطر جديد .

مثال للتوضيح
لو عاوز اطبع عبارة         Welcome to java
يليها فى السطر التالى طباعة Fawzy syam
طبعا انا عاوز اطبع فى سطرين
وهطبع اول عبارة وبعدها هنزل سطر لاسفل بعد الطباعة يبقى هستخدم println
اما العبارة الثانية انا مش هطبع اى حاجة تانى بعدها وبالتالى مش محتاج انزل سطر لاسفل يبقى هستخدم print
System.out.println("Welcome to java");
System.out.print("Fawzy Syam");

طيب لو عاوز اطبع نص مع جملة حسابية
هنا جافا موفرة معامل اللصق وهو + concat
مثال لو اطلب منى طباعة
2*4=8
يكون الحل كالتالى
System.out.print("2*4="+2*4);
طريقة اخرى
System.out.print("2*4="+8);

وكمان جافا موفرة بعض المعاملات الا ممكن نستخدمها للتحكم فى الطباعة
\n                     اطبع وما بعدهايطبع فى  سطر جديد
\t.                                         ياخذ مسافة tab

\\
اطبع \ واحدة

\"
 اطبع "

مثال اخر
خلينا نتفق الاول ان اى مشكلة فى البرمجة ممكن تتحل باكثر من طريقة .
طيب لو اطلب منك انك تطبع الخط التالى
 ****
ممكن يكون الحل كدا
System.out.print("****");
وممكن يكون الحل كدا
System.out.print("*");
System.out.print("*");
System.out.print("*");
System.out.print("*");
الحلين صح فى الاخر هيطبعة نفس النتيجة
بس طبعا الحل الاول هو الافضل .
ومثال اخر
لو اطلب منك انك تطبع الخط التالى
*
*
*
*
عاوزك تحدد هستخدم انة امر
 print or println      . وتحلها باكثر من طريقة
ومش انا الا هحلة الا هيشوف البوست دا هو الا هيحلة .
مثال اخير
انا عاوز اكتب الامر الا هيخلينى اطبع الشكل دا .
                   *
            *             *
     *                           *
*    *     *     *      *     *     *

تحياتى